Қазақстандықтарға шетелдік сапарларға шығу үшін виза алудың қажеті жоқ
Қазнетте енді шетелге шығу үшін ел азаматтары виза алуы тиіс деген ақпарат тарады. Бұл жалған.
Бұл ақпаратты ҚР ІІМ Көші-қон қызметі комитеті жоққа шығарды.
– Бұл ақпарат шындыққа жанаспайды. Мемлекеттік органдардың ресми хабарламалары мен ақпараттарына ғана сенулеріңізді сұраймыз, – деп хабарлады ведомстводан.
Айта кетейік, елден кету визалары туралы жаңалықтың түпнұсқасы qaznews24 Instagram-парақшасында жарияланды. Бұл аккаунт шынайы емес, сатиралық хабарламалар жариялайды. Бұл туралы оның профилінде жазылған.
https://stopfake.kz/kk/archives/5720
