Құбырлы бұлттар түсірілген бұрынғы видео желіде қайта таратыла бастады

Facebook әлеуметтік желісінде ерекше құбырлы бұлттар түсірілген видео пайда болды. Хабарлама тез тарады, күніне 200-ден аса адам бөліскен. Жазба авторы видеоның Whatsapp арқылы жіберілгенін айтады және биліктен бұл құбылысқа түсініктеме беруді сұрайды. Жазба астында адамдар бұлттардың пайда болуына қатысты пікірлерін қалдырған – кейбір әлеуметтік желі қолданушылары бұлттардың оғаш формасы «белгілі бір химиялық заттарды шашуға» байланысты деп шешкен, ал басқалары халыққа осылай «коронавирус жұқтырып» жатыр деген болжам жасаған.

https://www.facebook.com/permalink.php?story_fbid=399415964385843&id=100029523293382

Шын мәнінде бұл видео бір ай бұрын Қарағанды облысының Жәйрем кентінде түсірілген. Бұл 29 шілдеде Instagram-да жергілікті пабликтердің бірінде жарияланған пост. Онда да осы видео ұсынылған. Ол кезде де әлеуметтік желілерді пайдаланушылар бұлттардың қайдан пайда болғанына қатысты пікірлерімен бөліскен.

https://www.instagram.com/p/CDNlP89jw25/?utm_source=ig_embed

Stopfake.kz редакциясы сол күні материал жасап, Қарағанды облысы әкімдігінің баспасөз хатшысының ресми түсініктемесін жариялады, ол барлық қастық теорияларын жоққа шығарды.

Марина Шаповалова өзінің Facebook-тегі парақшасында жазғандай: «Таңертеңгі глория — бұл көлденең бұралған бұлттар түрінде көрінетін сирек кездесетін метеорологиялық құбылыс. Бұл – биіктігі 1-2 км дейінгі бұлттар, көбінесе жерден 100-200 метр биіктікте (әдетте, одан жоғары) орналасады, ұзындығы 1000 км-ге жетіп, сағатына 60 км жылдамдықпен қозғалады».

https://www.facebook.com/100002030618468/posts/3202100866534236/?d=n

Сонымен қатар, біз адамдар химиотрассалар деп ойлайтын қабатты бұлттар туралы егжей-тегжейлі материал жасаған болатынбыз.